Academi Heddwch Cymru

Croeso i gartref yr Academi Heddwch. Diben yr Academi Heddwch yw ymestyn traddodiad cryf Cymru o ran hyrwyddo a gweithio dros heddwch, drwy ddatblygu a chydgysylltu cymuned o ymchwilwyr annibynnol mewn meysydd cysylltiedig. Bydd Academi Heddwch Cymru yn gweithio i sicrhau bod lle cadarn i heddwch ar agenda genedlaethol Cymru ac ar y llwyfan cenedlaethol, drwy gyfrwng y rhwydwaith byd-eang o sefydliadau heddwch sydd eisoes yn bodoli.

Pwy yw’r Academi Heddwch?

Llofnodwyr 2020: Canolfan Materion Rhyngwladol Cymru – Cymdeithas Ddysgedig Cymru – y Coleg Cymraeg Cenedlaethol – Prifysgol Aberystwyth – Prifysgol Bangor – Prifysgol Caerdydd – Prifysgol Metropolitan Caerdydd – Prifysgol De Cymru – Prifysgol Abertawe – Prifysgol Cymru y Drindod Dewi Sant – Prifysgol Glyndŵr Wrecsam. Gyda chefnogaeth cynrychiolaeth o’r Mudiad Heddwch yng Nghymru, Race Council Cymru, Urdd Gobaith Cymru a swyddfa Comisiynydd  Cenedlaethau’r Dyfodol Cymru.

Datblygiad yr Academi Heddwch

• Mae grwpiau cymdeithas sifil wedi bod yn ymgyrchu dros sefydlu Sefydliad neu Academi Heddwch er 2008.  Gweler y cynnig gwreiddiol ar gyfer Sefydliad Heddwch i Gymru (yn Archifau CND Cymru).
• Yn 2013 cynhaliodd y Cynulliad Cenedlaethol ymgynghoriad cyhoeddus i archwilio’r gefnogaeth i Sefydliad Heddwch yng Nghymru. Gweler Cofnodion y Pwyllgor Deisebau.
• Yn 2013 galwodd Jill Evans ASE ar Brif Weinidog Cymru i sicrhau bod ‘heddwch’ wrth galon Rhaglen Cymru i nodi Canmlwyddiant y Rhyfel Byd Cyntaf. Gweler erthygl Jill Evans yn Peace News.
• Yn 2015 gwnaed ymchwil Academi Heddwch / Menter Sefydliad Heddwch Cymru (yn adeiladu ar Adroddiad ‘Khaki Dragon’ gan Cymdeithas y Cymod) – a chyhoeddwyd adroddiad ganddynt ar bresenoldeb a dylanwad milwrol yng Nghymru, ‘Military Presence and Influence in Wales’ (awdur: Estella Benson). Lawrlwythch Grynodeb / Lawrlwythwch Adroddiad Llawn / Gweler datganiad i’r wasg Awst 2015.

Yn 2017  cynhaliodd Emily Forbes, gwirfoddolwr gyda Chanolfan Materion Rhyngwladol Cymru, brosiect ymchwil gan fapio Sefydliadau heddwch ledled y byd. Gweler yr adroddiad llawn /  gweler crynodeb o’r adroddiad /  gweler y tabl cymharol / gweler dolenni cyswllt.

Ar gyfer Diwrnod Heddwch y Byd 2020, llofnodwyd Memorandwm Cyd-ddealltwriaeth gan bob prifysgol yng Nghymru, ynghyd â Chymdeithas Ddysgedig Cymru, y Coleg Cymraeg Cenedlaethol a Chanolfan Materion Rhyngwladol Cymru, gan arwain at sefydlu Academi Heddwch Cymru

Lansio Academi Heddwch, Diwrnod Heddwch y Byd, mis Medi 2020

Archwiliwch waith Sefydliadau heddwch o bob cwr o’r byd.

Sefydliadau Heddwch Ledled y Byd

Mae’r Academi Heddwch yn cydgysylltu ymdrechion o bob cwr o Gymru i nodi canmlwyddiant Apêl Heddwch Merched Cymru 1923 / Deiseb i America. Dysgwch fwy am y prosiect yn archifau Canolfan Materion Rhyngwladol Cymru.

Rhaglen i nodi Canmlwyddiant Apêl Heddwch Merched Cymru, 2023-24

Cymdeithas Ddysgedig Cymru yw’r academi genedlaethol ar gyfer y celfyddydau a’r gwyddorau.

Cymdeithas Ddysgedig Cymru

Sefydlwyd y Coleg yn 2011 ac mae’n cynllunio ac yn cefnogi’r ddarpariaeth Addysg Uwch Gyfrwng Gymraeg ar draws prifysgolion Cymru, a hynny mewn modd strategol.

Coleg Cymraeg Cenedlaethol

Mae Canolfan Materion Rhyngwladol Cymru yn ceisio creu ‘Cymru fyd-eang’ lle mae pawb yn cyfrannu at greu byd tecach a mwy heddychlon – gan ysbrydoli pobl i ddysgu am faterion byd-eang ac i weithredu arnynt.

Canolfan Materion Rhyngwladol Cymru a’r Deml Heddwch

Bydd yr Academi Heddwch yn parhau i gynnal momentwm prosiect ‘Cymru Dros Heddwch’ i nodi Canmlwyddiant y Rhyfel Byd Cyntaf 2014-19.

Gwaddol 'Cymru Dros Heddwch'

Recruiting, April 2021

Academi Heddwch Coordinator Role