Arddangosfeydd ac Arddangosiadau
Archives
Llwybr Heddwch Caerdydd
hi
Darllediadau ar gyfer Radio a Theledu
Digwyddiadau Cyhoeddus
hi
Hanesion Heddwch Cudd
Rhwng 2016 a 2018, bydd Cymru dros Heddwch yn cefnogi gwirfoddolwyr, ysgolion a grwpiau cymunedol ledled Cymru i ddarganfod hanesion heddwch cudd, ac i ddechrau rhannu eu straeon yn gyhoeddus er mwyn dod â stori ‘treftadaeth heddwch’ Cymru ynghyd. Mae’r adran ‘Hanesion Heddwch Cudd’ wedi cael ei pharatoi i’ch arwain drwy’r broses o chwilio a chynhyrchu eich prosiectau eich hunain, gyda dolenni at gyfeirnodau ac adnoddau defnyddiol ar-lein er mwyn ei gwneud hi mor rhwydd â phosibl – ac i ddatblygu sgiliau newydd, trosglwyddadwy, ar yr un pryd!
1. Cynllunio (penderfynu ar gynnyrch, pwnc a safbwynt – a chynllunio eich prosiect)
2. Ymchwilio (defnyddio adnoddau Ar-lein ac Oddi ar-lein)
3. Cofnodi (Cyfweld â phobl, Digideiddio dogfennau / delweddau neu recordio Hanesion Llafar)
4. Ysgrifennu / Golygu (ar gyfer Blogiau, erthygl nodwedd ar gyfer y cyfryngau lleol / cymunedol, traethodau neu draethodau hir)
5. Cyflwyno (Adrodd Straeon yn Ddigidol / ffilmiau byrion, pecynnau cyflwyno ac animeiddio)
6. Rhannu (Cyhoeddi ar-lein a hyrwyddo drwy’r Map Heddwch a’r Cyfryngau Cymdeithasol)
Canllaw Hanesion Heddwch Cudd ar gyfer Ysgolion a Grwpiau Cymunedol
Mae’r Pecyn Offer yma ar gyfer athrawon a chydlynwyr cymunedol i’w ddefnyddio gyda grwpiau neu unigolion sy’n gwneud prosiectau hanesion heddwch cudd hunan-arwain..
Athroniaeth i Blant
Athroniaeth i Blant, neu P4C yn fyr, yw dull addysgu ddisgybl-ganolog yn seiliedig ar:
Ymchwiliad Grwp (yn gweithio gyda’i gilydd mewn cymuned o ymholi i deall materion anodd/cysyniadau);
Myfyrio (meddwl am drafodaethau ac o bosibl newid agweddau/camau gweithredu o ganlyniad);
Datblygu sgiliau (meddwl beirniadol a chreadigol, sgiliau cyfathrebu a gweithio gydag eraill).
Dull ystafell ddosbarth parchus yw Athroniaeth i Blant (P4C) sydd yn helpu i wella sgiliau meddwl beirniadol disgyblion a’u gallu i gydweithio. Mae’n annog awyrgylch lle ceir trafodaeth agored, greadigol ymhlith disgyblion o bob oed, a nodwyd ei lwyddiant mewn nifer fawr o adroddiadau arolwg ar ysgolion ac astudiaethau academaidd.
Dyfeisiwyd P4C yn wreiddiol gan yr Athro Matthew Lipman yn yr Unol Daleithiau fel rhaglen ar gyfer plant a phobl ifainc rhwng 6 ac 16 oed. Mae crynodeb hylaw o’i hanes a’i werth i’w gweld yn: www.sapere.org.uk.
Wedi hen sefydlu, defnyddir P4C ar sawl ffurf trwy’r byd i gyd. Yn y DU, mae’n debyg mai SAPERE yw’r corff mwyaf adnabyddus sy’n hyrwyddo’r dull. Mae’n cydlynu rhaglen hyfforddi broffesiynol ar dair lefel er mwyn cynnal safonau uchel.
Achredir ein hyfforddwyr gan SAPERE i ddarparu cyrsiau Lefel 1. Mae eu hymagwedd at y gwaith yn cyfuno P4C gyda gofynion y cwricwlwm yng Nghymru megis Sgiliau Meddwl, ABCh ac ADCDF.
Pecyn ‘Teach Peace’
Mae Teach Peace, sef adnodd gan y Rhwydwaith Addysg Heddwch, yn gyfres o wyth gwasanaeth, gweithgareddau dilynol, adnoddau a myfyrdodau ar heddwch i ddisgyblion mewn ysgolion cynradd a blynyddoedd cyntaf ysgolion uwchradd, a gynhyrchwyd gyda Chymru dros Heddwch.
Pecyn Ysgolion ‘Cofio er mwyn Heddwch’ y Rhyfel Byd Cyntaf
Mae’r pecyn yma gan Ganolfan Materion Rhyngwladol Cymru ar Hwb yn cefnogi disgyblion CA2-CA4 i ddeall sgil-effaith y Rhyfel Byd Cyntaf a rhyfeoledd dilynol ar bobl yng Nghymru a thu hwnt; sut rydyn ni’n cofio, ac adeiladu byd gwell.
Pecyn Dysgu Taith y Pabïau gyda 14-18NOW
Y Don a’r Ffenestr Wylofus: Pecyn Adnoddau Dysgu’r Rhyfel Byd Cyntaf i ddisgyblion 9-13 oed sy’n ymweld â’r arddangosfeydd yng Nghaernarfon (Hydref 2016) a Chaerdydd (Haf 2017).
hi‘Lleisiau Cydwybod’ – Gwrthwynebu Rhyfel yng Nghymru
Mae’r gyfres yma o fideos byr gan y Cyfeillion yng Nghymru a Chelfyddydau Cymunedol Breaking Barriers yn edrych ar brofiadau Gwrthwynebwyr Cydwybodol o Gymru drwy gydol y Rhyfel Byd Cyntaf ac wedi hynny – a’u perthnasedd heddiw.
hi