Ydych chi’n gwybod am berson ifanc sydd wedi gwneud gwahaniaeth cadarnhaol yn eich ysgol neu’ch cymuned chi neu sydd wedi ysbrydoli eraill?
Mae Canolfan Materion Rhyngwladol Cymru (WCIA), ac Academi Heddwch Cymru yn gweithio gydag Eisteddfod Gerddorol Ryngwladol Llangollen i ddathlu plant a phobl ifanc sydd wedi cyfrannu at heddwch, cynaliadwyedd a chydraddoldeb yn eu hysgol, grŵp ieuenctid, cymuned leol neu yn y byd ehangach.
Rydym yn cydweithio i gynnal ein 9fed Seremoni Wobrwyo Heddychwyr Ifanc flynyddol yn Eisteddfod Llangollen ar y 9fed o Orffennaf 2025 lle bydd pobl ifanc yn derbyn tystysgrif a gwobr. Gall pobl ifanc unigol neu grwpiau (rhwng 5 a 25 bl. oed)
gyflwyno ceisiadau o dan y categorïau canlynol, neu gallwch ddewis i enwebu rhywun hefyd!
- Adeiladwr Heddwch Cymunedol Ifanc
- Eiriolwr Lles Ifanc
- Heddychwr Ifanc
- Hyrwyddwr Amgylcheddol Ifanc
- Hyrwyddwr Cenedlaethau’r Dyfodol Ifanc
Y dyddiad cau ar gyfer ceisiadau eleni yw 23ain o Fai 2025.
Medrwch weld y telerau a’r amodau am y Gwobrau isod, yn ogystal â’r ffurflen gais. Anfonwch eich ceisiadau at centre@wcia.org.uk.
Categorïau 2025
