Helpwch i siapio ein dyfodol!

Rydym yng nghanol ail-frandio, a buasem wrth ein bodd yn cael eich mewnbwn.

Dros y misoedd diwethaf, rydym wedi bod yn gweithio’n galed i’w gwneud yn haws i bobl ddeall beth rydym yn ei wneud, a pam mae’n bwysig. Mae hynny wedi golygu manwl gyweirio sut rydym yn sôn amdanom ni ein hunain trwy fireinio ein neges, a thargedu rhywbeth sy’n fwy clir, yn fwy cynhwysol, ac yn fwy ysgogol yn emosiynol. Rydym eisiau adeiladu cysylltiadau mwy cryf a chyrraedd mwy o bobl, ac mae hynny’n dechrau gyda naratif, enw a dyluniad o ran brand sy’n adlewyrchu go iawn pwy ydyn ni.

Drwy ymchwil ac adborth gan randdeiliaid, rydyn ni wedi dysgu nad yw ein henw presennol, sydd bellach yn 50 oed, yn cynrychioli’n llawn beth rydyn ni’n ei wneud. Fe wnaethom glywed bod yr enw’n swnio fel ein bod ni’n rhan o’r llywodraeth, yn debyg i sefydliadau eraill yn ein sector, a’i fod yn enw sydd ddim yn hawdd ei gofio. Fel sefydliad dwyieithog sy’n canolbwyntio ar ddinasyddiaeth fyd-eang ac ar undod, rydyn ni eisiau brand sy’n fwy agored, yn fwy hygyrch, ac sy’n fwy deniadol i bawb.

Fel y gallwch ddychmygu, dydy dod o hyd i enw newydd ddim yn hawdd, ond rydym yn falch o ddweud bod gennym ddau enw posibl. Mae gennym ddau opsiwn ar gyfer is-benawdau ategol hefyd (brawddegau byr, cofiadwy sy’n gyfochrog â’n henw ac yn ei gyd-destunoli, a chyfeiriad newydd o ran dylunio brand.

Yn yr arolwg byr hwn, rydym yn gofyn am eich barn. Nid pleidlais i benderfynu ar y canlyniad terfynol ydy hon, ond bydd eich adborth yn casglu gwybodaeth uniongyrchol ynghylch cam nesaf y broses ac yn y pen draw, ein penderfyniadau.

Rydym yn gofyn eich barn am y canlynol:
– Dau opsiwn newydd ar gyfer yr enw
– Dau opsiwn newydd ar gyfer yr is-bennawd
– Ein cyfeiriad o ran dylunio brand

Gwyliwch y fideo byr yma i ddechrau:

Bydd yr arolwg hwn yn cau ar 31 Gorffennaf 2025.