Ar yr 2il o Orffennaf, yn Grangetown Pavilion (Caerdydd), cynhaliwyd cynhadledd gyntaf #SummerUndod2022. Mae Hub Cymru Affrica wedi trefnu cyfres o gynadleddau rhwydweithio wyneb yn wyneb ar draws Cymru, sy’n delio â phynciau cyfiawnder hinsawdd, rhyw, a bywoliaethau cynaliadwy.
Fe wnaeth y digwyddiad ddydd Sadwrn yng Nghaerdydd gael ei rannu’n dair prif ran. Dechreuodd gyda thrafodaeth panel (menywod yn unig) ar undod a newid hinsawdd. Roedd yn cynnwys cyfranogwyr rhanbarthol fel Barbara Davies Quy, Maint Cymru, Mari McNail, Cymorth Cristnogol, Clare James, Climate Cymru a dau bartner Hub Cymru Affrica o dramor, sef Lona a Deborah.
Roedd pawb yn cytuno bod angen gweithredu, nid yn unig ar lefel y wladwriaeth ac ar lefel ranbarthol, ond fel unigolion hefyd. Mae ein gweithredoedd sy’n ymwneud â newid yn yr hinsawdd a chyfiawnder yn effeithio ar feysydd eraill yn ein bywyd hefyd, o ddiogelwch bwyd i ddosbarthiad annheg o gyfoeth a hyd yn oed patrymau rhywedd a hawliau menywod. Erbyn diwedd y panel, bu pob siaradwr yn cynghori ar sut y gallem atal newid hinsawdd a thrawsnewid ein ffordd o wneud pethau. O fod yn fwy ymwybodol am ein defnydd (bwyd, dillad, ac ati) i eiriol dros lywodraethau a chymunedau, i weithredu o blaid cyfiawnder hinsawdd.
“Rydyn ni, dim ond trwy’r pethau rydyn ni’n eu bwyta, yn cyfrannu at ddatgoedwigo. [..] felly, mae’n bwysig gweithio ar draws lefelau a dimensiynau.” – Barbara, Maint Cymru.
Parhaodd y prynhawn drwy wireddu dau weithdy gwahanol. Un wedi’i seilio ar ffasiwn gynaliadwy ac yr ail ynghylch mudo a newid hinsawdd. Yn dilyn y gweithdy awr o hyd, roedd cynorthwywyr yn rhydd i wneud defnydd o’r cyfleusterau a’r rhwydwaith, ymuno â stondinau, neu gynnal sgyrsiau mwy anffurfiol.
Hoffech chi gael gwybod am ddigwyddiadau fel hyn yn y dyfodol? Edrychwch ar ein hadran ddigwyddiadau neu dilynwch ni ar ein sianeli cyfryngau cymdeithasol!
Wedi’i ysgrifennu gan Clara Morer Andrades, gwirfoddolwr Ymchwilwyr Gyrfa Cynnar gyda WCIA